Nang Makapulot Ako Ng Wallet



Nakapulot ako ng wallet habang naglalakad pauwi. Kanino kaya ito?, dinukot siguro ito at hinagis na lang basta sa daan pagkakuha ng pera. Binuksan ko at bumungad sa akin ang isang family picture na naninilaw na sa kalumaan. Hay pagod na ako, mabuti naman at malapit na ang bahay ko. Pagpasok ko direcho agad sa kwarto at inilatag ko sa higaan ko lahat ng laman ng wallet. gusto kong ibalik ang wallet na ito sa may-ari. Hay ang daming laman na kung ano-ano, palagay ko sya itong tatay sa family picture, 1972 pa ang nakasulat sa likod ng litrato. May baby picture, may dedication sa likod galing sa apo nya. Balat ng Juicy fruit, palagay ko ito ang nginuya-nguya nya habang ipinanganganak ang panganay nya. isang lukot na resibo ng flower shop, bulaklak para siguro sa anibersaryo ng kasal nila ng misis nya. Isang driver license na kaka-expired lang. Para akong tumitingin ng mga memorabilya, isang museo ng buhay. napag-isip tuloy ako, wala kasi akong wallet, ang mga ID at cards ko ay nakatali lang ng goma, at kapag kailangan ng barya, dumudukot lang ako sa aking bulsa. Wala akong iniingatan na litrato o tinatagong lumang resibo.
Isang lumang wallet, isang lalagyan, di lang ng pera kundi lalagyan din ng mga ala-ala ng ating buhay. Wala ako nito, siguro panahon na para magkaroon din ako ng sariling wallet.
Bukas na bukas ay dadalin ko ang wallet na ito sa istasyon ng radyo para maibalik sa may-ari. Di ko sya kilala at di nya rin ako kilala pero sa wallet na ito, binago nya ang takbo ng buhay ko. Sana makuha nya ulit ang wallet nya, at ng maibalik ang mga naipon nyang magagandang alaala ng kanyang buhay.

 ...

Comments

Post a Comment

Popular posts from this blog

Isa munang patalastas! :)

Image
Malapit na ang graduation!!! at lalong malapit na ang birthday mo, kaya bili na ng cake, tinapay at kung ano-ano pa, basta wag lang maghanap ng kamote! hahahaha! Kuya Jun's Bakeshop Cakes & Pastries. Our second branch was opened to offer you our delightfully delicious all-time Filipino favorite cakes and pastries plus new and creative baked goodies! We make delicious, high quality cakes and pastries for special occasions such as valentines, graduation, Christmas and more. We also make custom-made cakes for birthdays, weddings, baptismal, anniversary, debut and for all special occasions. Call us now on 3691863.
Read more

Ang Pitong huling wika ni Hesus...ayon sa buhay ko

Image
Medyo seryoso ako ngaun, dapat lang kasi ang hirap ng walang mouse ang computer, sira kasi :) Ito ang mga karanasan ko sa buhay, nakakatamad man basahin, dahil di nyo naman ako kakilala, basahin nyo na rin kasi sabi ko! :)... 1. "Ama, patawarin mo po sila sapagkat di nila nalalaman ang kanilang ginagawa” (Lucas 23:34)       Naranasan ko na rin ang muntik ng mademanda, dahil sa bagay na wala akong kinalaman...nakatanggap ako ng panlalait at mga salitang sobrang nakasakit at nakapagpababa ng pagkatao ko. Lumaban ako ng patas at napatunayan din ang katotohanan, kadalasan natatapakan ka dala lang kahirapan, di ako nagmamalinis, marami din akong nagagawan ng kasalanan, pero ang mahalaga e ung marunong kang magpatawad at humingi ng tawad. 2. "Sinasabi ko sa iyo, ngayon din ay isasama kita sa paraiso." (Lucas 23:43)         May mga kakilala ako dati na di pumupunta ng simbahan, wala naman daw ung halaga. Dahil sa mahal ko sila, sinama ko sila sa simbahan para masanay
Read more

...palaspas

Image
Lumang palaspas sa pintuan ng bahay ko...lumang palaspas na tinapon na sa basurahan, at umaasa ako na sa pag-alis nito sa pintuan ko, e kasama ng naalis ang mga lumang hinaing sa buhay ko...mga problemang nakaraan na... Bagong palaspas....bagong simula ba ng bagong kalbaryo? Di po, bagong palaspas para sa muling pagpapaalala po sa atin na nandyan po Sya para sa atin, nagsakrispisyo para maligtas tayong lahat. Makagawa man tayo ng pagkakamali, nandyan pa din Sya...Malalanta din yan kasama ng mga pinagdadaan natin sa buhay natin pero papalitan Nya ulit yan sa isang taon, at magiging sariwa ulit...
Read more