Minsang ipinikit ang mata...
Minsang ipinikit ang mga mata,
hindi para mag-isip,
kundi para bigyan ng kulay
ang kapaligiran.
Minsang ipinikit ang mata
hindi para mag-isip,
kundi para makita
ang di tanaw ng nakamulat na mata.
Minsang ipinikit ang mata,
hindi para mag-isip,
kundi para makapiling
ang mga mahal na wala na.
Minsang ipinikit ang mga mata,
hindi para mag-isip,
kundi para marating ang
nais puntahan.
Minsang ipinikit ang mata,
hindi para mag-isip,
kundi para maramdaman ang
ginhawa na dulot ng buhay.
Minsang ipinikit ang mata,
para mag-isip,
kung kelan tuluyang
ipipikit yaring aking mga mata.
Comments
Post a Comment